Чин сэтгэл” бол зохиолч, яруу найрагч Б.Энх-Уянгын гурав дахь бие даасан бүтээл бөгөөд уншигчдад түүний дотоод ертөнц, залуу насны алдаа оноо, амьдралын тэсвэр тэвчээрийг нээлттэй, чин үнэнчээр өгүүлдэг ном юм.
Энэ номд яруу найраг, өгүүллэг, бодрол хослон орсон бөгөөд зохиогчийн өөрийн амьдралын туршлага, туулах замнал, ганцаардал, итгэл найдвар, эдгэрэл, хайр сэтгэлийн тухай өгүүлжээ. Сэлэнгэ аймгийн Алтанбулаг суманд намар, өвөл, хаврын улиралд ганцаараа амьдарсан нам гүм орчин, орон нутгийн уур амьсгал бүтээлийн өнгө аясад шингэжээ.
Чин сэтгэл” уншигчдад ганцаардлын үнэ цэнэ, дуугүй байдлын хүч, өөрийгөө ойлгож таниж авахын хүчийг мэдрүүлнэ. Уншигч бүр өөрийн дотоод ертөнцөд хүрч, өнгөрсөн цагийн тольд харж, мартагдсан мэдрэмж, бодлуудаа дахин нээх боломжтой.
Зохиолчийн өмнөх бүтээлүүд болох “Цагийн зүү дагуух намрын гуниглал” (2019), “Тайтгарал” (2021) зэрэг номын залгамж хэлхээ болон энэхүү шинэ бүтээл нь илүү дотоод сэтгэлийн өнгө аяс, уянгын тансаг хэмнэлээр уншигчийн сэтгэлд хүрэхээрээ онцлог.
Чин сэтгэл” бол уран зохиолын бүтээл төдийгүй өөрийнхөө доторх дуу хоолойг сонсож, амьдралынхаа үнэнийг олж мэдэхийг хүссэн хүн бүрийн нөхөр болох ном юм.