Эл сурвалж нь 'Монголын нууц товчоо'-ны эхний Чингис хааны хэсгийг агуулсан төдийгүй 'Монголын нууц товчоо'-нд байдаггүй, бүр Чингис хаанаас өмнөх үеийн түүхийн чухал мэдээ, Чингис хааны билиг сургаалыг хамгийн их агуулсан түүх, хэл, уран зохиолын хосгүй дурсгал юм. 'Монголын нууц товчоо', 'Лу.Алтан товч', 'Шар тууж', 'Эрдэнийн товч' зэрэг Монгол сурвалж бичиг болон гадаадын 'Дэлхийг байлдан дагуулагчдын түүх', 'Судрын чуулган', 'Юан улсын судар' зэрэг сурвалж бичиг судалгааны бүтээл ашиглан түүх, хэлний үндэслэлтэй 1320 тайлбар хийсэн уг бүтээл оюутан судлаач, ер сэтгэн бодох чадвараа хөгжүүлэхийг хүссэн хэн бүхэнд чухал гарын авлага болно.