Зохиогч : Оохнойн Батсайхан, түүхийн шинжлэх ухааны доктор, профессор Зоригтын Лонжид, түүхийн ухааны доктор, профессор Совдын Баатар, түүхийн ухааны доктор, профессор Редактор: Оохнойн Батсайхан, түүхийн шинжлэх ухааны доктор, профессор.Монгол улсад улс төрийн хэлмэгдүүлэлт гарсан явдал нь Орчин үеийн Монголын түүхийн хуудсанд тодорхой орон зай эзэлсэн хар толбот үзэгдэл болсон билээ. Энэ ном нь Монголд гарсан улс төрийн хэлмэгдүүлэлтийн түүхийг 1921 оноос 1990 он хүртэл туушид нь авч үзэж, бүхэлд нь дүн шинжилгээ хийхийг хичээсэн, улс төрийн хилс хэрэгт хэлмэгдэгсдийг цагаатгаж, нэр төрийг сэргээх, нөхөх олговор олгох, дурсгалыг нь мөнхжүүлэх талаар авч хэрэгжүүлсэн бүхий л арга хэмжээг хамруулахыг хичээсэн бүтээл болно. Оросын Холбооны Улс, Монгол Улсын архивын нээлттэй болсон баримтууд, хэлмэгдэлд өртсөн амьд гэрчүүдийн ярианд түшиглэн бичсэн эл ном монгол үндэстэн, монголчуудын туулсан аймшигт түүхийн хуудсуудыг танд бодитойгоор толилуулах болно. Хэлмэгдүүлэлтэд өртөөгүй гэр бүл нэгээхэн бээр ч үлдээгүй гэхэд болно. Хэлмэгдсэн хүмүүс бол монголчуудын элит буюу үндэстний сор болсон алтан ургаас гаралтай, сэхээтэн, лам хуврагууд байлаа. Тэд цөм үндэсний үзэлтэй байсан төдийгүй нийгмийн хөтлөгч сэхээтэн байсан билээ.