Олон жилийн өмнө болсон нэгэн үйл явдал тухайн үедээ сонин хэвлэлийн гол 'сенсаци' болж, нэг хэсэгтээ олны анхааралд байсан юм. Уг нь бол байдаг л нэг хэрэг юм шиг. Тэр үед банк байгуулах нь хэвийн үзэгдэл болж, тэдгээр нь удалгүй 'хаалгаа барих' нь ч ёс, бараг хэн ч анзаарахгүй өнгөрдөг байсан билээ. Харин 'Эерэг' банкны нуралт ердийнхөөс нэг л өөр болсныг зарим хэвлэлүүд анзаарч, шуугиан дэгдээх гэж оролдсон бололтой байдаг. Банкны эздийн зарим нь шоронгийн хаалга татсан үйл явдал ч тэр цагтаа л ховор тохиолдол байсан юм.