Энэ номонд Монголын хамгийн анхны хувийн хэвшлийн байгууллага болох Монос группийн 30 жилийн түүхийг дэлгэрэнгүй өгүүлжээ. Тус группийг үүсгэн байгуулагч Л.Хүрэлбаатар эм гоо сайхны “Монос” жижиг үйлдвэрийг тэгээс эхлэн байгуулж, ямар бэрхшээл саадыг давж туулж, хэрхэн Монос групп болж өргөжсөн талаар уншихад адал явдлын роман мэт сонирхолтойгоос гадна өнөөгийн бизнес эрхлэгч залууст туршлага сургамж болохоор урнаар өгүүлжээ. Та энэ номоос бизнес эрхлэх эр зориг, эрсдэлтэй шийдвэр, оновчтой хөрөнгө оруулалт, шинжлэх ухаан инновацийн бизнестэй хослуулахын ид шид, эв нэгдлийн гайхамшиг, бүтээлч хамт олон, ард түмний компани байгуулах эхлэл, манлайлал зэрэг олон сонирхолтой сэдвийг унших болно.