Уламжлалт шинжлэх ухааны салбарууд цоо шинэ төлөв байдалд орж, эдүгээ шинэ зүйлийг олон шинжлэх ухаан хавсарч, нийлж судлах болжээ. Судалгаа гэдэг бол аливаа юмс үзэгдлийн тухай шинэ мэдлэгийг шинжлэх ухааны үндэслэлтэйгээр олж авах үйл явц юм. Судалгаа нь мэдээллийн ач холбогдолтой, тодорхой хугацаатай, үнэн зөв, аргачлалаар, судалгаа явуулах боломжоор хангагдсан, уялдаа зохицуулалттай байх зэрэг шаардлагыг биелүүлсэн байх ёстой. Судалгаа нь хэрэглээ, зорилго, шалтгаан, мэдээлэл цуглуулах арга техник, цаг хугацаанаас хамааран олон төрөлд хуваагддаг. Иймд хүн ам, нийгэм, эдийн засгийн судалгааг явуулах үндсэн үе шат, судалгаанд хэрэглэгдэх үндсэн ойлголт, элементүүд болон мэдээлэл цуглуулах, түүвэрлэлтийн арга техникийн талаарх ерөнхий мэдлэгийг энхүү номноос олж авах болно.