Шатар бол оюун ухааныг хөгжүүлэх гол тоглоом юм. Шатар хэзээ яаж үүссэнийг нь тогтоогоогүй, эрт дээр үеэс үүссэн нь түүхийн ном зохиолоос нотлогдсон байдаг. Энэтхэгт шатар үүссэн гэж үздэг боловч одоо нотлогдоогүй хэвээр байгаа. Иран, Ирак, Армен зэрэг орнуудад үүссэн байр магадлал бий ч, манай орны шатрын түүх судлаачид Монгол оронд шатар үүссэн гэж батлах оролдлого хийдгийн үгүйсгэх аргагүй юм. Манай орон шатрын баялаг түүхтэй ба айл болгон шатартай, бараг хүн бүр шатар мэддэг нь үндэсний спортын хэмжээнд авч үзэх бүрэн боломжтой билээ. Манай улсын бараг бүх хувийн болон улсын дунд сургуулиудад шатрын хичээл дугуйлан орж эхлээд байна. Ийм учраас шатрын үндсэн сурах бичиг гаргах шаардлага зайлшгүй болж байгаа юм. Энэ сурах бичиг нь шатрын цагаан толгой, гараа, дунд үе, төгсгөл комбинац хийх аргууд болон шатрын бүхий л сэдвийг хамруулан оруулсан болно.