'Ай хөөрхий... Амьдралаас шарх олж, түүнийхээ хар гайгаар хамаг цусаа дуслуулан, гомдолтой нь аргагүй нулимс урсгасаар тамруу очдог хүн хэр олон байдаг юм болдоо? Тийм нүгэлтэн ганцхан надаар дуусаасай билээ...' Туулайн зүрхтэн бол сэтгэл зүйн болон, гэмт хэргийн зохиол бөгөөд доторх агуулгын хувьд зөвхөн нэг талд баригдахгүй. Уг номонд нэгэн эр өөрийн үүх түүхийг ний нуугүй хүүрнэж, нийгмийн байр байдал, хүн чанар, дотоод сэтгэлийн тухай өөрийн зүгээс дэлгэн тавина. Зохиолд 'Хүн гэгч амьтан өөрийн үзэл бодлыг хүүхэд байхдаа олж авдаг бөгөөд энэ нь гарцаагүй мэдрэмжээс үүдэлтэй. Олон дахин давтагдах мэдрэмж үзэл бодол бүрэлдэхэд нөлөөлнө. Гэвч хувь тавилан, аж төрөхүй гээч зүйл хүнийг удирддаг юм гэм нүгэл гэж огтоос үгүй.' гэх мэт олон санаа зурайна. Энэ ном таныг уйтгар гунигт автуулж, бодолд оруулан, нийгмийн байр байдлын тухай ахин нэг бодоход хүргэнэ.