Энэ ном шатрын нэн шинэхэн үеийн түүхий 'XVII-XX' ноён нуруу болсон суут бие төлөөлөгчдөөр дамжуулан шатрын онол-философийн үзэл санаа болон логик-арга зүйн үндэслэлийг харуулсан шатрын түүхэнд хамаарах бүтээл билээ. Шатрын түүхийн үйл явцыг шатрын өргөөр илэрхийлнэ. Иймд өрөг нь шатрын түүхийг судлах түлхүүр объект мөн. Өргийг шатрын өөрийнх нь хэл зүйгээр утга яруу илтгэн харуулдагт шатрын спортын давуу тал оршино. Өрөг хэмээх уран сайхны бүтээлийг үнэд хүргэдэг хүчин зүйлс нь мөнөөх шатрын хэл юм. Ийнхүү шатрын түүх өөрийнхөө хэл дээр бичигддэг ажээ.