Олон Улсын Улаанбаатарын Их сургуулийн Гэр Бүл Судлалын тэнхимийн багш Ө.Байгаль, Б.Нандинцэцэг нарын толилуулж буй энэхүү гарын авлага нь хүүхдийн зан байдалд нөлөөлдөг зан төлөвийн өөрчлөлтийг засан сайжруулах онол, арга зүйн мэдээллийг багтаасан нь гэр бүлийн асуудлаар зөвлөгөө, сэтгэц-заслын туслалцаа, үйлчилгээ үзүүлдэг мэргэжлийн хүмүүст ач холбогдолтой юм. Гарын авлагад зөрүүдлэх, зожигрох, хэрцгий догшин авир гаргах, хүний юманд зөвшөөрөлгүй хүрэх, авах, түрэмгий шинжүүдийг авч үзсэн ба тэдгээрт хамгийн оновчтой гэж үздэг сэтгэц заслын тоглоомын буюу Play Therapy, элсэн буюу Sandplay Therapy, танин мэдэхүйн буюу Cognitive Behavioral Therapy, хандлагын буюу Rational Emotive Therapy, зурган Picture Therapy, хөгжмийн буюу Music Therapy зэрэг аргуудыг тайлбарласан.