Монгол улсын зөвлөх инженер, Монголын инженерийн ухааны үндэсний академийн академич, Техникийн ухааны доктор, профессор Баян-Өлгий аймгийн Булган сумын нутагт төрсөн. 1981 онд Чехословак Улсын Прагийн Хими-технологийн дээд сургуулийг инженер-технологич цолтой төгссөн. А.Хаумдас нь 1981 оноос 1997 оны 10 cap хүртэл ШУА-ийн Хими, Хими-технологийн хүрээлэнд эрдэм шинжилгээний Тэргүүлэх ажилтанаар, -1997 оны 10 сараас 2000 оны 9 cap хүртэл Хөдөө аж ахуй, үйлдвэрийн яамны Стратегийн төлөвлөлт, нэгдсэн бодлогын газарт Мэргэжилтэнээр, -2000 оны 9 сараас 2001 оны 6 cap хүртэл Үйлдвэр, худалдааны яамны Геологи, эрдсийн баялгийн бодлого зохицуулалтын газарт Мэргэжилтэнээр, -2001 оны 6 сараас 2004 оны 12 cap хүртэл Монгол-Солонгосын хамтарсан 'Жэм энд Гольд Монголиа' ХХК-ний Гүйцэтгэх захиралаар, -2005 оны 1 сараас 2006 он хүртэл 'Төгрөгнуурын энержи' ХХК-ний Ерөнхий менежерээр, -2006 оны 1-р сараас 2007 оны 7-р сарын 1-ний хүртэл АНУ-ын 100%-ийн хөрөнгө оруулалттай 'СС Монголиа' ХХК-ний Баян-Өлгий аймаг дахь салбарын Гүйцэтгэх захиралаар, -2007 оны 8 -р сараас 2008 оны 2 cap хүртэл Төрийн өмчит 'Эрдэнэс МГЛ' ХХКомпанид Ахлах инженерээр, -2008 оны 2-р сараас 2009 оны 3 cap дуустал ШУА-ийн Эрдэс боловсруулалтын технологийн хүрээлэнгийн Эрдэмтэн нарийн бичгийн дарга, Физик технологийн хүрээлэнд Лабораторийн эрхлэгч, ГХЭ-ийн Төслийн удирдагчаар, -2009 оны 4 сараас 2011 оны 3-р cap дуустал 'Алтайн Хүдэр' ХХК-ний Таяннуурын баяжуулах үйлдвэрийн дарга, Компаний хөгжлийн газрын Дэд Захиралаар, -2011 оны 4-р сараас 2011 оны 12-р cap дуустал Уул уурхайн Зөвлөх 'Гложекс' ХХКомпанид Зөвлөх, -2012 оны 1-р сараас 'AHG Metals Group' ХХКомпанид Зөвлөхөөр ажиллаж байна. 1995 онд Казахстан Улсын Үндэсний Шинжлэх Ухааны Академийн 'Эрдэс түүхий эдийг иж бүрэн боловсруулах Үндэсний төв'-д 'Монгол орны газрын ховор элементүүдийн хүнд баяжигдах хүдрүүдийн технологийн онцлогуудын судалгаа' нэгэн сэдэвт бүтээлээр техникийн ухааны докторын зэрэг хамгаалсан. А.Хаумдас нь Засгийн газрын 'Эрдэс баялаг' хөтөлбөр, 'Алт-2000', 'Зэс' дэд хөтөлбөрүүдийг боловсруулахад оролцсон ажлын хэсгийн гишүүн. 1998 оноос 2000 оны 7 cap хүртэл Монгол-Оросын хамтарсан 'Эрдэнэт' үйлдвэр, 'Монголросцветмет' нэгдэл, Дарханы хар төмөрлөгийн үйлдвэр мөн 'Монголчехословак металл' компаний Удирдах Зөвлөлийн гишүүн, Монголын Металлургичдын холбооны тэргүүлэгч, БОЯ-ны Химийн хорт бодисоос хамгаалах Үндэсний Зөвлөлийн гишүүнээр тус тус ажиллаж байсан Одоо БМИҮЗ-ийн Инженер технологийн чиглэлээр Сургалтын хөтөлбөрийн магадлан итгэмжлэл хийх мэргэжлийн Зөвлөлийн мөн Стандарт хэмжил зүйн Үндэсний төвийн дэргэдэх Хар төмөрлөгийн Техникийн хорооны гишүүнээр ажиллаж байна. А.Хаумдас нь 'Хөдөлмөрийн гавьяаны улаан тугийн одон', 'Хөдөлмөрийн хүндэт медаль','Ардын Хувьсгалын 80 жилийн ойн хүндэт медаль', Хөдөө аж ахуй, үйлдвэрийн яамны 'Хүндэт жуух бичиг', Монгол улсын 'Тэргүүний уурхайчин', 'Шинжлэх ухааны тэргүүний ажилтан', 'Худалдаа, Аж үйлдвэрийн тэргүүний ажилтан' цол тэмдэг, ХААҮйлдвэрийн Сайдын нэрэмжит шагнал, Уул уурхайн салбарын 80,85,90 жилийн ойн хүндэт медаль'-иар тус тус шагнагдсан.