Манлайбаатар Дамдинсүрэн бол 20-р зууны эхний үеэр Монголын төрийн тавцан дээр гарч ирсэн төрийн томоохон зүтгэлгтний нэг юм. Монголын тусгаар тогтнолын төлөө тэмцлийн түүхэнд Дамдинсүрэнгийн нэр бол Ардын хатан баатар Магсаржавын нэрийн хамт бичигдсэн байна. Манлайбаатар Дамдинсүрэн бол Монголын төрийн тусгаар тогтнолын төлөө бүх чадал авъяас билгээ зориулж явсан хүн бөгөөд түүний төлөө амиа өгсөн байна. Түүний бие цэргийн чадвартай жанжинаас гадна тэр цагтаа ихээхэн боловсролтой төрийн зүтгэлтэн хүн байсан. Дамдинсүрэн бол ард түмний хайрыг биедээ татан шингээж байсан хүн юм.