Манай гаригийн уудам орон зайд оршин буй эрдэнэт хүмүүн таны өөрийн балар эртний эх үүсвэр болон өлгийдөж авсан газар нутаг, хүнийг хүн болгосон бартаат их зам мөрийг бага ч гэсэн мэдрүүлэх зорилгоор 'Хүн төрөлхтний 'Дэлхийн' Нүүдлийн соёл иргэншлийн төв' нэртэй аялал жуулчлал, танин мэдэхүйн цогцолбор бүтээн босгох сэдэвчилсэн төлөвлөгөө боловсрууллаа. Дэлхийд хүндлэгдэх энэ цогцолбор бүтээн босгох ажлыг бүтээгч мөрөөдлийн жигүүртэй төр засаг аж ахуйн нэгж албан байгууллагын удирдагчид бизнесмен оюунлаг иргэд сайн сайхан бодол ухаан хүч хөрөнгөө нэгтгэн идэвхийлэн оролцохыг уриалж байна. Энэ сэдэвчилсэн төлөвлөгөөнөөс хэсэгчлэн авч аймаг хот, сумд өөрийн хүч хөрөнгөөр тухайн газар нутаг, түүх соёлтойгоо уялдуулан эх байгаль, хот айл, монгол гэр, гал голомт гэх мэт хөшөө дурсгал, үзмэр бүтээх боломж нээлттэй. Аялагч жуулчид 7, 10 хоног сар жилээр нүүдэлчин байдлаар амьдарч болохоор байгалийн үзэсгэлэнт, боржин чулуу хад хавцал, дэд бүтэц сайтай газар нутгийг сонгох нь зүйтэй. 10 гаруй хүний ажлын байр бий болгон, тэр бүтээгч хамтлаг эх орондоо ихийг бүтээх болно.