Төв Сэргэлэнгийн Агваансамдангийн Сүхбат, Архангай Батцэнгэлийн Гэлэгжамцын Өсөхбаяр, Өвөрхангай Хужиртын Долгорсүрэнгийн Сумъяабазар, Увс Баруунтурууны Батжаргалын Ганбат, Увс Хяргасын Баянмөнхийн Гантогтох, Завхан Цагаанччулуутын Цэдэндамбын Цэрэнпунцаг нар бол далаад онд хүмүүний биеийг олж төрж, ерээд онд Монгол үндэсний бөхийн улсын цолтнуудын их гэр бүлд хүч түрэн орж ирж, халгиж цалгисан дайчин омголон барилдаанаараа баяр наадмын зүлэг ногоон дэвжээг 'чимж', олон сайхан цол гуншинг ээлж дараалан хүртэж, 'Зургаан залуу заан' хэмээн бөхийн цадиг түүхэнд мөнхөрсөн хүчтэнүүд билээ. Эдгээр залуу хүчтэнүүдийн барилдааны амжилтын намтар түүхийг өгүүлсэн 'Зүлэг ногоон дэвжээг 'чимж' явсан зургаан залуу заан' хэмээх ном бичихээр шийдсэн.