Улс орон бүрийн хэлэнд тухайн улсын соёлыг илэрхийлж чадахуйц хэлцийг ухварлан ойлгох нь шинэ үг цээжлэх зөв суурь болж чаддаг юм. Жишээ нь: Монгол хэлнээ “ойлгох- ойж тусах, ухварлах- ухаж ойлгох, амаа барих- гэмших” гэх мэт үгс үй олноороо цуварна. Эдгээр үгсийг хэлбэр төдийхнөөр цээжлэх аваас мартах нь хурдан байдаг бол тухайн үгийн гол чанарыг ойлгох л юм бол илүү түргэн цээжилж, байнга тунгаан бодоод зогсохгүй харилцан ярианд чадамгай ашиглаж болохыг гадаад хэлэнд шамдан суралцах хүн бүр санал нийлнэ гэж бодож байна. Солонгос хэлнээ энэ мэтчилэн цээжлэхэд сонирхолтой, ухаж ойлгох аваас соёлын ойлголтыг илтэд илэрхийлж чадахуйц үгс олон байгааг энэхүү бүтээлээс та бүхэн харах боломжтой юм. Солонгос хэл, соёлыг сонирхон суралцаж буй суралцагчид анхан шатанд заавал ухан ойлгож цээжлэх шаардлагатай нийлмэл үг, хэлц үг, холбоо үгс оруулж өгсөн болно. Зарим тохиолдолд үгсийн утга санааг тод тодорхой байвч зарим нь илт зөрүүтэй үгсээс бүрдэх шинэ утга санааг анзаарч болно