Хүн төрөлхтөн нэн эрт дээр үеээс усыг ашиглах инженерийн байгууламж болох суваг шуудуу далд хонгил барьж ирсэн туршлагатай. Гэхдээ усны барилга байгууламж нь иргэний бусад барилга байгууламжаас онцлог хийц бүтээцтэй байдаг тул усны инженерийн олон төрлийн барилга, байгууламжийн зураг төсөл зохиох, барьж байгуулахад тэдгээрийн онцлогийг зайлшгүй харгалзах шаардлагатай байдаг. Хөрс ба байгууламжийн харилцан үйлчлэлийг үнэлэх нэг хэмжүүр нь барилга байгууламжийн ачааллын нөлөөгөөр хөрсөнд явагдах хүчдэл-хэв гажилтын төлөв байдлын тоон үнэлгээ байна. Үүнийг математик загвар ашиглан хөрсний физик, механик шинж чанарт тулгуурлаж явуулдаг. Нөгөө төлөөр хот суурин газар, барилга байгууламж нь барилга байгууламжийн талбайн геотехникийн нөлөөнд оршин тогтнох болно. Ийм байгалийн геологийн үзэгдэл үйл явцын нөлөөнд байгууламжийн тогтворыг хангах асуудлыг тэдгээрийн зураг төслийн шатанд шийдэх ёстой. Энэ сурах бичгийн бүтэц, агуулгыг ШУТИС-ийн БАС-ийн Хүрээлэн буй орчны инженерийн салбарын профессор багш нарын хурлаар хэлэлцүүлэн санал зөвлөмжийг нь тусгаж бичсэн. Мөн энэ сурах бичгийг гидротехникийн болон сантехникийн инженерүүд ашиглах боломжтой.