Энэхүү номд монгол хэлний 100 хэлцийг сонгон авч хэлц бүрийг сонирхолтойгоор ойлгуулах зорилгоор шууд утгыг зургаар илэрхийлж, түүний доор утгын товч тайлбар бичив. Үүнчлэн ямар нөхцөлд хэрхэн хэрэглэхийг тодруулах үүднээс монгол хэлээрх ном зохиолоос ишлэн сийрүүлж, бататгал болгон харилцан яриа зохион орууллаа. Мөн уламжлалт монгол бичгээр хавсарган, гадаад хэлийг шамдан үзэх монгол залуустаа болон монгол хэлийг гүнзгийрүүлэн суралцагчдад зориулан англи, солонгос хэлэнд дүйх хэллэгийг хадав.