Энэ ном бол монгол морины тухай толь бичиг юм. Уг номыг Монгол Улсын Соёлын гавьяат зүтгэлтэн Сумъяагийн Жамбалдорж амьд ахуйдаа олон жилийн судалгааны үндсэн дээр бүтээсэн бөгөөд дэлхийн олон хэл, өөр өөр соёлтой улс үндэстэнд монгол морины гайхамшигт соёлыг түгээх үүднээс энэ удаа уйгаржин монгол бичгээр хэвлэн гаргажээ. 1700 гаруй ойлголт, 400 орчим зураг чимэглэл бүхий энэхүү номонд морь, морьтон ардын тухай есөн эрдмийн охийг шингээх гэж бодсон билээ.