Монгол ахуйг хээ угалзгүйгээр төсөөлөхийн аргагүй билээ. Монголчууд хээ угалзын сонгодог хэв маягийг буй болгосон төдийгүй амьдрал ахуйдаа өргөн хэрэглэдэг ард түмэн. Хээ угалз нь гоёл чимэглэлийн урлагийн үндэс язгуур төдийгүй биеэ даасан урлаг юм. Толилуулан буй энэхүү бүтээлд Ж.Төмөрхуяг сүүлийн 15 жилийн туршид өөрийн бүтээсэн хээ угалз болон “Сэтгэмж” дизайны дээд сургуулийн шавь нар, болон охиныхоо бүтээлээс түүвэрлэн оруулсан байна. Уг ном хээний талаархи таны төсөөлөл, танин мэдэхүйд нэмэр болох төдийгүй хээ угалз бүтээх арга ухаан, эрдмийг эзэмшихэд тань тус болох болно.