Энэ ном түүний хоёр дахь ном бөгөөд хүүхэд үеэсээ тоглож сурсан, 46 жил шатрын гайхамшигт нүүдэл хийж яваагийнх нь олз юм байна. 'Олон улсын парламентын гишүүдийн шатрын тэмцээний аварга болсон маань ном бичих урмыг хайрласан. Дундговь аймгийн төвд сургуульд орохынхоо өмнөхөн өвөөгийнхөө шатар тоглохыг харж сурснаас хойш шатартай амьдралаа холбожээ. Тиймээс шатар амьдрал хоёрыг холбож номоо бичлээ. Шатарт шийдэмгий нүүдэл хожил авчирдаг. Амьдралд зөвийн төлөө Шийдэмгий бай. Шатарт хожлын төлөө бүү ухар. Шатрын хүү ухарч нүүдэггүй. Хүсэл эрмэлзэлтэй хүн зорилгоосоо ухардаггүй. Шатарт байрлал сайтай нь давуу, амьдралд энгийн байх нь сэтгэл төвшин. Хожил урам, хожигдол ухаарал, хатуужлыг өгдөг' гэж Б.Саранчимэг номынхоо тухайд өгүүлэв.