'Монгол нь Манж, Автономитын үед' гэх эл бүтээл нь бүтцийн хувьд бие даасан 2 анги хэсгээс бүрдэх бөгөөд эхний хэсэг нь Манжийн эрхшээлийн үеийн Ар Монголын түүхэнд зориулагдсан хоёр дахь хэсэг нь Автономитын үе буюу 1911-1919 оны Монголын Улсын түүхэнд холбогдоно. Хоёр хэсэг тус бүрийн эхэнд М.М.Петухов тэр үеийн түүхийг хураангуйлан өгүүлсэн, үнэлж дүгнэсэн томоохон өгүүллэгүүдийг дангаараа бичиж оруулсан нь түүх судлалын үүднээс түүний хийсэн гол ажил болох юм. Харин тэдгээр өгүүллийн дараа тухайн хэсэг бүрийн агуулгын хүрээнд холбогдох эх сурвалж, хууль цаазын дурсгал, албан харилцааны бичиг, захидал, ардын домог, хууч яриа зэрэг 100 гаруй баримтыг эхээс нь хуулж, бүлэглэн ангилж, хэлхэх байдлаар сэдэвт тохируулан сонгон түүвэрлэж оруулжээ.