2009 бичсэн энэ зохиолд , 16 настай хөвүү өөрөөсөө 12 насаар эгчмэд бүсгүйд өгсөн шаналант, галзуу мэт үнэнч хайрын түүхийг өгүүлдэг. Бямбаа нэртэй хөвүүн намрын нэгэн өдөр байранд нь шинээр нүүж ирсэн төгс гоо үзэсгэлэнт Од бүсгүйд анхны харцаар дурлана. Бямбаа өвөөтэйгээ амьдардаг тавиул хүүхэд. Түүнийг цэцэрлэгт байхад эцэг эх нь Солонгост ажиллахаар явж, тэнд байхдаа салсан тул хүү өвөө, эмээтэйгээ өсчээ. 14-тэй байхдаа хүүгийн нүдэн дээр эмээ нь цус харваж нас барна. Эцэг эхээсээ хол бага нас нь өнгөрч байгаа тавиул хүүхдийн сэтгэхүй хэрхэн эрэмдэг болж, өөрийгөө гологдсон мэт төсөөлснөөс хичнээн их шаналдгийг Бямбаа хүүгийн амьдралаар үзүүлсэн зохиол. Хүү анхны хайртай учирснаар хүчтэй хүн болж төлөвших замаа олж, бусдыг энэрэн хайрлахуйд суралцана. Хоорондоо 12 насны зөрүүтэй ээдрээт хайрын түүх хэрхэн төгсөх бол?