Тус сурах бичиг нь нийт 16 бүлэг сэдвээс бүрдэх бөгөөд долоо хоногт нэг удаа хоёр цагаар, нэг улирлын туршид үзэж судлахад тохиромжтой. Хичээл бүр шинэ үг хэллэг, дүрмийн тайлбар, нэмэлт үг хэллэг болон нэмэлт мэдээлэл, дасгалуудаас бүрдэнэ. Харилцан яриа болон эхүүд нь оюутны өдөр тутмын амьдралд тулгарч болох орчин өрнөж буй байдлаар бичигдсэн агуулгатай бөгөөд суралцагчид багшийн тусламжтай болон бие даан уншиж ойлгох боломжтой. Үүний зэрэгцээ суралцагчид хичээл бүрийн агуулгад гарч буй шинэ үг хэллэгийн утгыг бататган ойлгоход тус болохоор өгөгдсөн дасгал даалгаврыг хийж гүйцэтгэх нь зүйтэй. Сурах бичгийн төгсгөлд түгээмэл хэрэглэгддэг өвөрмөц хэллэгүүдийг орчуулга, тайлбартай
оруулсан.