Энэхүү номын зохиогч Б.Туул нь сэтгүүлч мэргэжилтэй нэгэн. Тэрээр Монголын үндэсний мэдээллийн МОНЦАМЭ агентлаг, БНХАУ-ын төрийн мэдээллийн СИНЬХАУ агентлагт ажиллаж байсан. Тэрээр 2014 оноос БНХАУ-ын нийслэл Бээжин, ӨМӨЗО, ТӨЗО-оор аялсан болон Хөх хотод ажиллаж амьдарч байсан тухайн цагийн Хятад орныг сэтгүүлчийн нүдээр харж нээсэн аян замын тэмдэглэлүүдээ нэгтгэн уг номыг бүтээсэн болно. Тус ном нь хятад судлалын эрдэмтэд, хятад хэл сонирхон судалж буй хүүхэд залуус, мэргэжлийн сэтгүүлч сурвалжлагчид, уг чиглэлээр суралцаж буй оюутнууд, хятад орны талаарх мэдлэг мэдээллээ тэлэх хүсэлтэй хүн бүхэнд зориулагдсан, энгийн үг хэллэгээр жирийн уншигчдад хандаж тууривсан бүтээл юм.