Аман туулийн тогтолцоо, туульчийн аман уламжлалын асуудлыг тодорхой жишээн дээр судлан, тууль хайлж буй туульчийн тоглолтын орчин нь тэрхүү туульдаа хэрхэн нөлөө үзүүлдгийг, туульчийн хувийн “formula” (хэвшил тогтолцоо) тууль хайлахад (бүтээхэд) яаж илэрдгийг, улмаар аль нэгэн туульчийн туульа хайлахдаа хэрэглэдэг хэл, сэтгэхүйн эл хэвшин тогтворжсон хэрэглүүр буюу fomula нь нөгөө туульчинд яаж дамждагийг, туульч нар хэрхэн яаж өөрийн гэсэн аман уламжлал бүтээдгийг, энэ байдал нь тухайн туулийн өрнөл хөгжил хувилбар, салбарлалд ямар нөлөө үзүүлдгийг. .. гэх зэрэг тууль судлалын онол-практикийн олон асуудалд гүн үндэслэл бүхий шинэлэг сэвүүн хариулт өгчээ. Мөн зөвхөн аман уламжлал хийгээл аман формулагийн судлалд хамаарах төдийгүй тууль судлалын орчин үеийн онол арга зүйн ойлголт, нэр томьёоны Монгол – Англи- Хятад хэлний 189 нэр томьёоны толь оруулж өгсөн нь чухал ач холбогдолтой болсон.