Сэтгэлзүйн тууриуд” түүвэрт орсон туурь-өгүүллэгүүд нь зохиолын баатруудын ухамсар, сэтгэлзүйд өрнөж байгаа болон өрнөж үлдсэн “гэмтэл бэртлийн” үлдэцлэг шинжүүдийг нээн өгүүлсэн хүүрнэлүүд юм. Гэхдээ тэдгээр үлдэцлэг шинжүүд нь хүний ухамсар сэтгэлгээний далд ертөнцөд оршин байдаг төрөлхийн гэмээр чанаруудтай, тухайлбал, айдас, сүсэг, үзэн ядалт, шунал, өршөөл, өш хонзон, гэмт үйлдэл, гэнэн төөрөгдөл, хайр, харуусал гэх мэт зүйлстэй уялдаатай өгүүлэгддэгээрээ онцлогтой. Амьдралын эгэл ахуйгаас үүдэлтэй дүрийн ухамсрын үзэгдэл, уран сайхны сэтгэлгээний илэрхийллээс бүрэлдэн бий болсон сэтгэц-ухамсрын олон талт хэв маягуудыг дүрслэн өгүүлснээрээ “Сэтгэлзүйн тууриуд” түүвэр нь шинэлэг бүтээл болсон билээ.