Монгол

<p>Энэхүү ном нь орчин үеийн веб программчлалын тулгуур ойлголтууд, ашиглах хэрэгсэл, хөгжүүлэх программчлалын хэлний тухай агуулгыг багтаасан. Номыг уншиж, дагалдах жишээ программуудыг туршсанаар Python, JavaScript, SQL хэл, Django, React, Bootstrap зэрэг фреймворкуудыг ашиглан веб программ хөгжүүлэх, API бичиж турших, хэрэглэгчийн интерактив интерфейс үүсгэх, GitHub зэрэг үүлэн технологийн үйлчилгээг ашиглаж сурах болно. Веб хөгжүүлэх сонирхолтой эхлэн суралцагч, программчлалын хэлний тодорхой мэдлэгтэй хүмүүс ашиглах боломжтой.<br><br>14 бүлэг бүхий веб программчлалын чухал сэдвүүдийг хөндсөн номын эхний хэсэгт веб хуудасны бүтцийг тодорхойлох HTML; веб хуудасны хэв маяг, өнгө үзэмж, үсгийн хэмжээ, байрлал, харагдац зэргийг тодорхойлох CSS хэл; программын хувилбар удирдах, хөгжүүлэх үеийн өөрчлөлтийг хянах Git хэмээх хэрэгслийн тухай үзнэ. Үүний дараа Python программчлалын хэл; Django фреймворктой танилцах юм. Python программчлалын хэл дээр бичигдсэн веб программчлалын Django фреймворк нь веб программ зохиомжлох, хөгжүүлэх, өгөгдөлтэй харьцдаг программ бүтээх явцыг хялбаршуулдаг. Ингээд өгөгдлийн сантай харьцахад ашигладаг SQL хэл рүү анхаарлаа хандуулж, Django дээр model ба migration ашиглаж сурах болно. Үүний дараа веб хуудсыг илүү интерактив болгох зорилгоор хэрэглэгчийн веб хөтчийг ажиллуулах JavaScript хэлийг судална. Мөн энэ сэдвийн хүрээнд орчин үеийн хэрэглэгчийн интерфейсүүдтэй танилцаж, эдгээрийг Python ба JavaScript хослуулан хэрхэн хөгжүүлэх талаар үзнэ. Веб программ хөгжүүлэх ойлголттой болсны дараа программын кодыг илүү үр дүнтэй зохиомжилж, хөгжүүлэх чадвартай болгох зорилгоор тестлэл, CI/CD (Continuous Integration/Continuous Delivery) гэх ойлголтыг танилцуулна. Ингээд эцэст нь олон хэрэглэгч таны бүтээсэн веб программыг ашиглаж эхлэх үед ажиллагааг хэрхэн тэнцвэржүүлэх, нэг зэрэг олон тооны хэрэглэгч веб программ руу хандахад хэвийн ажиллагааг хэрхэн хангах, үүнд өгөгдлийн сан нөлөөлөх эсэх, веб программ хөгжүүлэх явцад аюулгүй байдлын үр дагаврыг хэрхэн тооцоолох зэрэг олон асуудлыг веб программын өргөтгөх боломж ба интернет дэх аюулгүй байдлын тухай бүлэгт авч үзэх болно.</p>
