Монгол

<p>&nbsp;Шороон боомт болон даланг ус хуримтлуулах, усны түвшин өргөх, хаягдлын сан байгуулах, үер усны аюулаас хамгаалах зэрэг олон зориулалтаар ашигладаг бөгөөд орон нутгийн материалаар барьж босгодог, эрчим хүчний хэрэглээ их биш, ашиглалтын хугацаа урт, бетон боомттой харьцуулахад бетон болон арматурын орц бага, барих ажлыг бүрэн механикжуулах боломжтой, өндрийн хязгаарлалт тавигддаггүй, засвар үйлчилгээ хийхэд хялбар зэрэг олон давуу талтай тул практикт хамгийн өргөн тархсан усны барилгын нэгэн төрлүүд болно.<br>Шороон боомт ба далангийн тогтворшил, бат бэх, найдвартай, аюулгүй ажиллагааг хангах инженер-техникийн оновчтой, зөв шийдэл, төлөвлөлтийг гаргахад усны барилга байгууламжийн инженерчлэлийн онол-практикийн мэдлэгт суурилсан тооцооны программууд, загварчлалын арга аргачлалуудыг хэрэглэх зайлшгүй шаардлага өнөө үед тулгарч байгаа бөгөөд чухамхүү энэ агуулгын дор Танд толилуулж буй энэхүү лавлахыг бичсэн болно.<br>Энэхүү лавлахыг их, дээд сургуулийн оюутнууд болон усны салбарт ажиллаж буй мэргэжилтнүүдэд зориулж гарын авлагын агуулгаар бичиж, улмаар жишээ бодлогуудыг түлхүү оруулж өгсөн нь эх хэл дээр өмнө хэвлэгдсэн ном, сурах бичгүүдээс ялгаатай, давуу талтай болно. Мөн лавлахад Монгол оронд баригдсан болон төлөвлөгдөж буй шороон боомт, далангуудын ажлын зургаас жишээ болгон оруулсан нь оюутнууд болон шинэ залуу инженерүүдэд зураг төслийн ерөнхий ойлголтыг өгөх боломжтой.&nbsp;</p>
