Монголчууд та бид түүхийн тавилангаар оногдсон он цагийн хэрчимд энэхүү замбуулингийн олон хэсэгт хуваагдан, энд тэнд тархан аж төрөн амьдарч иржээ. Эл тархалтыг судлахын тулд юуны өмнө, хэдэн зууныг дамнан үргэлжилсэн монголчуудын цартай нүүдэл буюу миграцийг түүхийн болон олон шинжлэх ухааны бэлчир зангилаа, онол-арга зүйн үүднээс задлан шинжлэх шаардлага тулгарч байна. Энэхүү шаардлагын улмаас түүхийн ухааны доктор О.Болормаа эл асуудлаар судалгаа хийж, нэгэн сэдэвт бүтээл туурвиснаа уншигч Таны үнэлэн цэгнэх, ургуулан бодох оюуны эрдэнэт мэдмийд өргөн барьж байна. Энэхүү ном нь Монгол бичиг болон кирилл дээр бичигдсэн.