Монгол үндэстний түүхийг 5000 жил хүртэл өргөтгөсөн бүтээл. Энэхүү бүтээл нь Лхаасүрэнгийн Бат-Очирын амьдралын бүтээл бөгөөд Абул-Гази, Рашид Ад Дин болон бусад монгол түүхийн олон түмэнд танигдаагүй чухал эх үүсвэрүүдийг шинжилж Монгол үндэстний жинхэнэ түүхийг эргэн сэргээснээрээ онцгой. Энэхүү номд Монгол үндэстний эртний нийслэл хот болох Мөнгөн хот болон Монгол үндэстний ихэр ард түмэн Татарын эртний нийслэл хот Алагчин хотын байрлалын таамаглалыг тусгасан. Мөн дэлхий дахины уур амьсгалын өөрчлөлт, дэлхийн тэнхлэгийн өөрчлөлтийг Ачи тэнгис болон түүний эрэг дээрх Алагчин хотын байрлалыг тодорхойлоход харгалзан үзсэнээрээ онцлогтой. Лхаасүрэнгийн Бат-Очир болон түүний нөхөд өнөөгийн Монгол аймгуудын жинхэнэ төрхөм болох домогт Эргүнэ-Хоны бодит байрлалыг 2011 он болон 2012 оны хоёр удаагийн экспедицээр тодруулсаны дүнд тогтоосон. Энэхүү нээлт дээрээ үндэслэн Эргүнэ-Хоны домогт үйл явдлыг харьцуулж байршлыг тогтооход ашигласан бөгөөд Монголын Нууц Товчооны эхэнд гарах Бөртэ чонын үйл явдлыг Эргүнэ-Хоноос өнөөгийн Монголын уугуул аймгууд гарсан үйл явдалтай холбож өгсөн.