Сүүлийн үед химийн гаралтай эмийн бэлдмлээс аль болохоор татгалзаж эко, органик бэлдмэл хэрэглэхийг хүмүүс урьтал болгодог болсон үед "Эмийн ургамлыг эмнэлэгт хэрэглэх аргачлал" ном нь өнөөдрийн өвчин, эмгээг ихсэж багйаа үед чухал ач холбогдолтой бүтээл билээ. Өмнөх 3 дах хэвлэлийн материалын 70-80 хувийг шинэчлэн баяжуулсан, шинээр 37 зүйлийн эмийн ургамал нэмж оруулсан Монголд оронд ургадаг, өргөн хэрэглэдэг 637 зүйлийн эмийн ургамал бүрийг таних шинж, тархалт, ургах орчин зүй, химийн бүрэлдэхүүн, үзүүлэх үйлдэл, хэрэглэх заалт, тун гэсэн хэсгээр дэлхийн хэмжээний мэдээллийг дэлгэрэнгүй ашиглан бичсэн 78 хэвлэлийн хуудас бүхий томоохон бүтээл. 422 зүйлийн эмийн ургамлын өнгөт зургийг оруулж өгсөн. Энэхүү бүтээл эмийн үйлдвэр, ХХК, их, дээд сургуулийн багш, оюутан, хүрээлэнгүүдийн судлаач, шинжлэх болон уламжлалт эмийн ухааны судлаачид, эмийн ургамал сонирхогч бүхий л ажил хэрэгч хүмүүст зориулсан томоохон бүтээл юм. Эмийн ургамлын эмийн түүхий эдийг эмнэлэгт зохистой хэрэглүүлэх үүднээс эмийн бэлдмэл бэлтгэн хэрэглэх арга, тун хэмжээг нарийсган оруулахыг хичээсэн билээ. Бүтээл орсон эмийн ургамлын монгол, латин нэрсийн хэлхээс, номын талаар англи товчхон тайлбарыг тус тус оруулж өгсөн.