Сэтгэл судлал, сэтгэц заслын ухааны онолыг амьдралд буулгаж, практиктай холбож ойлгодог болоход цаг хугацаа, хичээл зүтгэл их ордог. Энэхүү бэрхшээлийг хөнгөвчлөх зорилгоор сэтгэц заслын сонгодог аргуудын хялбаршуулсан, практик ойлголт бүхий цуврал бүтээлийг толилуулж буй билээ.

Цувралын анхны дугаараар психодинамик заслыг танилцуулсан бол хоёр дахь дугаарт  аналитик заслыг танилцуулж байна. Цувралын дугаар бүр нь бие даасан, тусдаа заслын аргыг танилцуулж байгаа тул өмнөх дугаарыг уншаагүй байсан ч энэхүү номыг уншиж, ойлгох бүрэн боломжтой.

Нарийн, төвөгтэй, хийсвэр, онолын ойлголтуудыг энгийн, хялбар, ойлгомжтой байдлаар хүргэж байгаа нь энэхүү цуврал бүтээлийн онцлог юм. Онолыг хялбаршуулсан байдлаар тайлбарлаад зогсох бус, тухайн онолыг ажил, амьдралдаа хэрэглэх арга, техникийг заана.