Монгол

Өнөөдөр орчин үеийн ПХ-ийг хөгжүүлэх өртөг нь компьютерын өртөг биш хөгжүүлэгчдийн өөрсдийнх нь өртгөөс үндсэндээ бүрдэж байна. ПХ-ийг хөгжүүлэх инженерчлэлийн аргачлалд суралцсанаар энэхүү өртгийг удирдаж чадна.ПХ-ийн инженерчлэлийн үндсэн суурь ойлголтуудыг багтаасан энэхүү ном нь дөрвөн хэсэг арван таван бүлэг, индексжүүлэлтийн хэсгээс бүрдсэн. Уг номд ПХ-ийн процесс, системийг хөгжүүлэх процессын загварууд, тэдгээрийн онцлог, хэрэглээ, давуу болон сул талууд, системийг хөгжүүлэх орчин үеийн аргачлал болох шалмаг хөгжүүлэлтийн аргачлалын тухай, шаардлагын тодорхойлолтоос эхлээд системийн нэвтрүүлэлт, засвар өөрчлөлт болон хувьсал хөгжлийн үе шатууд хүртэлх ПХ-ийн хөгжүүлэлтийн үндсэн үе шатууд болох системийн шаардлага, шинжилгээ, зохиомж, тест, хүргэлт засвар өөрчлөлтийн тухай буюу инженерчлэлийн үндсэн үйл ажиллагаанууд, эдгээр үйл ажиллагаануудыг хийхэд зайлшгүй шаардлагатай үйлдлүүд, тэдгээрийг хийхэд ашиглагддаг арга техник, хэрэгсэл, ПХ-ийн чанарын удирдлага, чанарын баталгаа ба чанарын хяналт, чанарын хэмжилтийн талаар танилцуулна. Уг номыг ПХ-ийн инженерчлэл, мэдээллийн технологи, мэдээллийн систем, компьютерын ухааны чиглэлээр суралцаж буй оюутнууд, эдгээр чиглэлийн мэргэжлийн инженерүүд болон ПХ-ийн инженерчлэлийн чиглэлийг сонирхогч хүн бүхэнд зориулав.