Уг номын агуулга дотроо 5 бүлэгт хуваагдаж байгаа. Үүнд: Төрийн захиргааны шинжлэх ухааны үүсэл хөгжил, Төрийн захиргааны удирдлага, Орон нутгийн өөрийн удирдлага, Төрийн захиргааны хөгжлийн зарим асуудлууд, Төрийн захиргааны сургалтад холбогдох зүйлс гэсэн бүлгүүд бий. Энэ номд Төрийн захиргааны шинжлэх ухааны эцэг гэгддэг эрдэмтдийн захиргаатай холбоотой үзэл баримтлалуудаас гадна, захиргааны шинжлэх ухааны хүрээнд гарсан парадигмийн өөрчлөлтүүд, үнэт зүйл буюу ""Эрхэмж"" болоод өөр олон агуулга багтаж орсон. Мөн нутгийн өөрийн удирдах ёсны Европийн Хартийн орчуулга, захиргааг судлахад холбогдох материал болж чадах, А.Чеховын ""Согтуу түшмэл, эрүүл чөтгөр хоёрын яриа"" зэрэг онц сонирхолтой орчуулгын материал зэрэг багтсан болно.