Монгол

<p>Хүнтэй мэндлэхдээ зөөлөн дуугаар мэндэлж байх ёстой. Хэтэрхий чанга ярих, эсвэл дуулдахгүй шахам нам дуугаар ярих буруу.</p><p>Ахмад хүнтэй золгохдоо гарын алгаа дээш харуулан, ах хүний гар доогуур зөрүүлэн золгодог. Ахмад хүнийг "чи" гэж хэзээ ч хэлж болохгүй. Ахмад хүнийг ямагт "гуайлж" байх ёстой. Ахмад хүн зочилж ирэхэд хаалгаа нээгээд зочныг орсны дараа өөрөө орно. Харин гарахдаа өөрөө өмнө нь гардаг, ахмад настан сууж байхад түүний өмнүүр гардаггүй. Хэрвээ гарах бол өөрийн өврөөр тэдний зүг харж гарах ёстой. Гэрийн хаалганы 2 талаас орох гарах гэсэн тохиолдолд урдаар ахмад хүн орох буюу гарсны дараа өөрөө орох буюу гарах болно. Нас үе хүн бол орох нь урьдаар орж, гарах нь түүний дараа гарна. Зочноос урд унтдаггүй. Ирж буй хүний өмнөөс хог, угаадас гаргадаггүй. Орой хотондоо ирж байгаа малын өмнөөс хог хаядаггүй. Хол явж байгаа хүн явмагц хог, угаадас гаргадаггүй. Бас ширдэг шүүрддэггүй. Хаалгыг зөөлөн хаадаг. Гэрийн босго дээр сууж, зогсож болохгүй. Тотгоноос зүүгдэх буюу үүд алдлан зогсож болохгүй. Явган суух, сөхөрч суухыг цээрлэдэг. Хүн явж байхад зам дээр нь зогсоод байж болохгүй зэргийг монгол бичиг криллээр унших боломжтой.</p>