Монгол

Шувуу судлаач доктор Сүндэвийн Гомбобаатарын Монгол орны шувуу судлал, хамгаалал, боловсрол, сурталчилгааны чиглэлээр 29 жил цуглуулж, хуримтлуулсан өөрийн судалгааны мэдээ, баримт, мэдлэг, гэрэл зургийн сан болон бусад судлаачдын бүтээлийг харьцуулан “BIRDS OF MONGOLIA: SPECIES ACCOUNT/МОНГОЛ ОРНЫ ШУВУУ: ЗҮЙЛИЙН БИЧИГЛЭЛ” I БОТЬ, “BIRDS OF MONGOLIA: FIELD GUIDE/МОНГОЛ ОРНЫ ШУВУУ: ЗҮЙЛИЙГ ТАНИХ БИЧИГ” II БОТЬ нэртэй 588 болон 488 нүүртэй хоёр бүтээлийг уншигчиддаа хүргэж байна. Уг хоёр бүтээл одоогоор англи хэлээр бичсэн ч орчуулгын ажил хийгдэж байна.&nbsp;Хоёрдугаар ботийн хувьд 519 зүйл шувууны шувууны шинжлэх ухааны болон англи, монгол нэрс, статус болон тохиолдоц, таних шинж, амьдрах орчин, идэш тэжээл, хооллолт, хамгаалах арга хэмжээ гэсэн дэд гарчигтайгаар бичиж, тархалтын зураг, зүйлийг таних шинжийг агуулсан гэрэл зургаар баяжуулав. Энэ бүтээлд багтсан нийт 3000 орчим гэрэл зургуудыг бусад бүтээлээс ялгаатай байлгах, зүйлийн шинжийг сайн тогтоолгох зорилгоор зураг бүрийн арын дэвсгэрийг нэгбүрчлэн арилгаж хийлээ. Гэрэл зураг бүхэнд зүйл бүрийн эр, эм бодгалийг бие гүйцсэн байдлаар, мөн ангаахай, залуу шувуу, анхны өвөл, зуны гэх мэтээр ялган оруулж, бичвэрт нь тайлбарыг оруулав.