“ГЭГЭЭРСЭН ТЭНГЭРИЙН УЧИРЛАЛ” баримтат уран сайхны ном

• Хүмүүсийн бүдэг бадаг төсөөлдөг далд ертөнцийн нууцаас монголчууддаа анх удаа баримт түшин хүргэж байгаа энэ ном Таны мэлмийг баясган, ухааныг хурцалж, ухаарал хайрлана гэдэгт итгэлтэй байна.

• Дэлхийг орхин сүнсний ертөнцөд дэвшсэн Гэгээнтэн Итгэл хамба “Үхэл гэж байдаггүй харин шилжилт л оршдог” гэсний учир, Буриадын Ивэлгин дацанг зорьж очсон хүмүүсийг тэр хэрхэн мэдэрч ач тусаа хүргэдэг тухай, Никола Тесла сүнсний ертөнцөөс Элон Маскад хэрхэн нөлөө үзүүлдэг талаар, Зөвлөлт засаг, коммунист дэглэмийг бүтээсэн В.И.Ленин, И.Сталин нар Дэлхийд өнгөрүүлсэн амьдрал, үйлс, өөрсдөө хэрхэн нас барсан тухай, Иисүс Христос, Зөнч Мухаммед нар өнөөгийн шашны талаар яагаад сэтгэл дундуур байгаа тухайгаа, Дэлхийн янз бүрийн улсад байх 250 улаач-оточтой холбоотой ажилладаг Гэгээнтэн Распутин, Америкийн зохиолч, домч, зөн билэгтэн Долорес Кеннон болон дээр нэр дурдсан хүмүүс Дэлхийд ямар зорилготой ирсэн, зорилгоо биелүүлж чадсан эсэх, сүнсний ертөнцийн шүүлтүүрт ороод одоо аль зиндаанд очсон тухай, үйлийн үрээ хэрхэн эдэлж байгаа, урд нас, хойд насандаа тэд хэн байсан тухай тэд өөрсдийн сүнсэн биеэр өгүүлсэн онц сонирхолтой, сургамжтай ярилцлагууд,

• Нарны аймгийн ТЭНГРИ хэмээх байгалийн хүчний захирагч манай Дэлхийн хувь заяаны талаар өгүүлсэн ноцтой яриа, “Дэлхийн хөгжлийн ургац хураалт” эхэлсэн тухай, 2025 оны төгсгөлд юу болох талаар,

• Манай Дэлхийн байгалийг захиран чиглүүлэгч Деметра бурханы тухай, тэр хаана оршдог, Дэлхийн байгалийн тэнцвэрийг хадгалахаар байгалийн хүчнүүд ямар үйл явуулж байгаа, тэдний цаашдын төлөвлөгөө,

• Байгаль нуур хаанаас эх ундаргаа авдаг, Сибирийн ой тайга яагаад өөрөө шатах болов, газар хөдлөлтүүд сүүлийн үед эрчимжих болсон тухай Байгаль нуурын савдагийн хүүрнэл,

• Нэгэн хадны бичээс, дүрслэл аль үед хэрхэн бүтээгдсэн, ямар түүхэн үйл явдал өрнөсөн талаар тэр Уулын савдагтай өрнүүлсэн яриа, Ус амьтай төдийгүй ус хэрхэн мэдээлэл тээдэг, хааш нь зөөдөг тухай, усан галав, Дэлхийн усны ирээдүйн талаар усны эзэн-савдаг өөрөө өгүүлсэн өмнө нь сонсогдож байгаагүй яриа,

• Хүний тархи сүнсэн биетэйгээ хэрхэн холбогддог, бидний үг, үйлдэл бүхэн тухай бүртээ бүртгэгдэж байдаг тухай өндөр соёл иргэншлийнхэн тархи судлаач Дэлхийн эрдэмтэнтэй өрнүүлсэн яриа,

• Дэлхийн ирээдүйг иш үзүүлсэн Монголын хаадын бошго, Тэнгэрийн чулууны бичиг, Шүүлтийн өдөр хэзээ ирэх, Индианчуудын өвөг дээдэс өнөө цагийг хэрхэн угтан хэлсэн тухай, Нострадамусын зөгнөлүүдийнхээ талаар өөрийн улаачдаа заларч Дэлхийд хэзээ, юу болох тухай өгүүлсэн, Вангагийн зөгнөлүүд биелсэн баримтууд-Корона өвчний талаар, квант шилжилт гэж юу болох,

• Төрөл авч Дэлхийд мэндлэх Сүнс өөрийн харсан, даасан Тэнгэртэй хөөрөлдсөн талаар “Гэгээрсэн Тэнгэрийн учирлал” хэсгээс Та уншаарай.