ХӨХ ТОЛБОТЫН НОМЫН ТЭМДЭГЛЭЛ-2

Номын тэмдэглэл, шүүмж, шинжлэл, уран сайхны бичвэр, ярицлага бүхий ном.
Дэлхийн сонгодог уран зохиол болон Монголын зохиолчдын шилдэг бүтээлүүдийн талаар уран сайхны шинжлэл, эргэцүүлэл, тэмдэглэл зэрэг бичвэрийн олон аргыг сүлэлдүүлэн, уншигчдад энгийн ойлгомжтой байдлаар бичсэн тул уран зохиол сонирхогч хүн бүхэнд нэн хэрэгцээтэй ном юм. Тухайн зохиолын товч агуулга, утга санаа, уран сайхны зохиомж, дүрслэл зэргийг товч тодорхой, сонирхолтой хэлбэрээр танд хүргэх болно. Ном сонгон унших, номын тухай мэдээлэл авах, уншсан номынхоо талаар эсээ, эргэцүүлэл, тэмдэглэл, шүүмж бичиж сурах зэрэг олон талын үр өгөөжтэй. “Хөх Толботын номын тэмдэглэл” -1 ном 2020 онд хэвлэгдэн гарч уншигчид, уран бүтээлчдийн сайшаал талархалыг хүлээсэн юм.
“Тухайн бүтээлийн гоо сайхан, оюун санаа, ур чадварыг нээн илрүүлэхээс гадна өрөөл бусдыг зохиолчийн сэрэл мэдрэхүйн ертөнц рүү дөтлөх жим харгуйг баримжаалж, хараагүйг харж, санаагүйг сануулах дэнлүү болдгоноороо онцлог санагдана. Түүнд зохиолч, уншигчийн аль аль нь талархах учиртай” МЗЭ-ийн шагналт зохиолч Түмэнбаярын Бум-Эрдэнэ
Агуулга:
1-р Бүлэг: Утгын гүнд нэвтрэхүй
Гадаадын болон Монголын 22 номын тухай бичвэр
2-р Бүлэг: Уран сайхныг шинжлэхүй
Гадаадын болон Монголын 18 номын тухай бичвэр
3-р Бүлэг: Хэлбэр ба агуулгыг шүүмжлэхүй
Монголын 5 уран бүтээлчийн номын шүүмж
4-р Бүлэг: Достоевскийг нээхүй
Достоевскийн Монголд орчуулагдсан 7 номын тэмдэглэл, шинжлэл
5-р Бүлэг: Сэтгэлийн ертөнцөөр аялахуй
Зохиолч, яруу найрагч, орчуулагч, сэтгүүлч 6 уран бүтээлчтэй хийсэн ярилцлага.