Зөөлөн ур чадварыг зарим тохиолдолд хүмүүс хоорондын буюу "мета" ур чадвар гэж нэрлэдэг. Энэ нэр томьёоноос харахад зөөлөн ур чадвар нь тодорхой мэргэжлийн гэхээс илүүтэйгээр ажилтны хувийн зан чанарт тулгуурласан байдаг бөгөөд тухайн ажилтны хандлага, зөн совинтой холбоотой байдаг. Иймд ажилтан бүр зөөлөн ур чадвар гэж юу болох, тэдгээрийн ач холбогдлыг ойлгож хэрэгжүүлэх нь чухал байдаг.

Дөнгөж сургуулиа төгссөн шинэхэн ажилтан эсвэл дадлагын оюутан ажилд авах гэж байгаа байгууллагууд энэхүү зөөлөн ур чадвар дээр тулгуурлан шийдвэр гаргалт хийдэг. Учир нь мэргэжлийн туршлага , мэдлэг ойлголтоос илүүтэйгээр тухайн ажилтан цаашдаа өсөн дэвжих , өөрийгөө хөгжүүлэх хэр их боломжтой вэ гэдэг нь ажил олгогчийн шийдвэр гаргалтад чухал нөлөө үзүүлж байдаг.