Хүн, алив зүйлийг хөндлөнгөөс дүгнэх амархан. Харин нүдээр үзэж, биеэр туулж гэмээнэ амьдралын хөрсөнд шингэсэн үнэнийг хардаг ёсон бий. Авирмэдийн Ганцэцэг хэмээх энэ эрхэм өөрийн амьдралын түүх, туршлага мэдлэгээ ном болгон тэрлэж, уншигчиддаа өргөн барьж байгаа нь залуу гэр бүл, амьдралаа төвхнүүлж байгаа хосуудад төдийгүй хэн хүний сэтгэл зүрхэнд шинэ гэрэл асааж, тийм нэг увдист симфони эгшиглүүлж, аливааг өөрөөр харах ухаарал, амьдралаа өнгөлөх өөдрөг үзэл хандлага, харилцааны урлаг, эрүүл амьдралын мэдлэг, биеэ авч явах их соёлын бодит үлгэрлэл болж байгаагаараа онцлог юм. Онолдож номлосон бус, орчлонг туулсан намтрын хуудсуудаас бүтсэн түүхэн туршлага гэдгээрээ энэ бүтээл хэмжээлшгүй үнэ цэнэтэй юм.