Авьяас үгүй!: Төрөлхийн авьяасгүй ч мөрөөдөл өөдөө тэмүүлж яваа хүн бүрд зориулав

Main cover


АНГИЛАЛ
Амжилтанд хүрэх, карьер
ХУДАЛДААНД
2023
Дөрөвдүгээр сар 5
БҮТЭЭЛИЙН ХЭЛ
MON
Монгол
НҮҮРНИЙ ТОО
184
Нүүр
ISBN-13
9789919280055
ХЭМЖЭЭС
210 x 135 x 14 мм

П.НАРАНБАЯР, Шинэ Монгол сургуулийн захирал асан, НИТХ-ын төлөөлөгч

Төрөлхийн өгөгдлөөс илүүтэй хичээл зүтгэл, мэдлэг боловсрол, ур чадварынхаа ачаар ямар ч хүн амжилтын оргилд хүрч болдог. Энэ ойлголтыг өөрийн туулсан бодит түүхтэй уялдуулан сонирхолтой хэлбэрээр түгээсэн сайн бүтээл болсон байна.

Г.БАТ-ЭРДЭНЭ, MongolHD телевизийн гүйцэтгэх захирал, Энтрепренер

Технологи маш хурдацтай хөгжиж, бизнесийн ертөнц хором бүрд хувьсан өөрчлөгдөж буй энэ цаг үед зөвхөн онц дүнтэй, улаан дипломтой төгссөн мэргэжилтнүүд хангалтгүй болсон. Орчин цагийн залууст шаардагдах шинэ хандлага, зөөлөн ур чадваруудын талаарх ойлголтыг хүргэж байгаа В.Баярсайханы ном залууст маш өгөөжтэй хөрөнгө оруулалт болно гэдэгт эргэлзэхгүй байна.

Б.БОЛОР-ЭРДЭНЭ, Цахим хөгжил, харилцаа холбооны дэд сайд асан, Оксфорд төгсөгч

Цаг өөр болсон. Салхи эргэсэн. Шинэ үеийн манлайлал Монгол улсын хөгжилд юу юунаас илүү үгүйлэгдэж байна. Тэр шинэ үеийнхний онцлог чанар, өрсөлдөх чадвар, ялгарах хандлага ямар байх ёстойг энэхүү номоороо дамжуулан хүргэжээ. Олон залуус уншиж дэлхийн иргэн болох замаа дөтлөөсэй гэж хүсэж байна.

Д.ХУЛАН, Lhamour брэндийн үүсгэн байгуулагч, Энтрепренер

Монгол залуус дэлхийн шилдэг сургуулиудад төвөггүй элсэж, шилдэг компаниудад орж чаддаг болсон. Харин одоо бидний мөрөөдөл бол дэлхийд үнэлэгдэх монгол компанийг бий болгох. Миний мөрөөдөл, Lhamour брэндийн алсын хараа ч үүнд чиглэж байна. В.Баярсайхан маань мөн энэ мөрөөдлөө бүтээх аяллынхаа туршид алдаж оносон, сурч мэдсэн туршлагаа залуустайгаа хуваалцсан маш өгөөжтэй ном туурвижээ.

Зохиолчийн бусад номууд


Ихэвчлэн хамт авдаг

Дээрх бүтээлийг авсан хэрэглэгчид ихэвчлэн эдгээрийг хамтад нь авдаг.

Санал болгох


Танилцуулга

Амжилттай яваа хэн нэгнийг хараад “Сурагч байхдаа онц сурдаггүй л байсан даа” гэж бодож байсан уу? Их сургуулиа дундаас нь орхисон хүнтэй харьцуулахад ажил, амьдралдаа байр сууриа хараахан олоогүй яваа улаан дипломтой хүнийг мэдэх үү? Багадаа бусдаас онцгой, гоц авьяастай гэгдэж байсан хүүхэд том болоод бусдын бодсон шиг том амжилтад хүрээгүй байхыг харж байсан л биз дээ?

Эдгээр жишээнээс авьяас гэх зүйл дангаараа амжилтын баталгаа болдоггүйг, сургууль амьдралд бүрэн бэлтгэж чаддаггүй гэдгийг бэлхэн харж болно. Тэгвэл амьдралд ямар ур чадвар, дадал зуршил, үзэл бодолтой байх ёстой вэ? Энэхүү асуултад миний бие өөрийн амьдралаас ойлгож, мэдсэн зүйлсээрээ дамжуулан хариулахыг зорилоо. Номд багтсан зөвлөгөөнүүд ямар нэгэн мэргэжил эсвэл төрөлхийн авьяас шаардахгүй. Эдгээр зөвлөгөөг нас, хүйс, ажил мэргэжлээс үл хамааран хүн бүхэн өнөөдрөөс хэрэгжүүлж, үр шимийг нь хүртэж болох юм.

Ном бичихийн тулд зохиогч өөрөө ном байх ёстой гэх үг бий. Тайлбарлавал, хаа нэгтэйгээс уншсан, сонссон, судалсан зүйлээ нийлүүлээд бичихээс илүүтэйгээр өөрийн биеэр туулсан, ойлгосон, мэдэрсэн бодит туршлагаа бичих нь уншигчдад илүү үр дүнтэй гэсэн үг. Ирээдүй өөд тэмүүлж буй хүн бүрд зориулсан уг ном 18 сэдвээс бүрдэх бөгөөд сэдэв бүр миний өөрийн түүх, тэрхүү түүхээс авах сургамж, уншигч өөрөөсөө асуух асуулт, хэрэгжүүлж үзэх бодит үйлдлүүдийг багтаасан.

Бид аз жаргалтай, амар тайван, утга учиртай амьдрахын тулд заавал бусдаас онцгой, төрөлхийн авьяастай байх албагүй. Энд дурдсан ур чадвар, дадал зуршил, үзэл бодлыг өөрийн болгосноор хүссэн бүх зүйлдээ хүрэх боломжтой гэдгийг хувийн туршлагаасаа батлан хэлэх байна.


Үзүүлэлт

ISBN-139789919280055
Худалдаанд гарсан огноо2023-04-05
ФорматЗөөлөн хавтастай
Нүүрний тоо184 нүүр
Бүтээлийн хэлМонгол
Жин240 гр
Хэмжээс210 x 135 x 14 мм

Зохиолчийн талаар

Миний бие 2004 онд Турк улсад програм хөгжүүлэгчээр ажлын гараагаа эхэлж, түүнээс хойш тасралтгүй 17 жилийн турш бизнес, технологийн салбарт ажиллажээ. Энэ хугацаанд нийт дөрвөн улсад 10 гаруй компанид ажиллаж, үүсгэн байгуулж туршлага хуримтлуулсан.

2019-Одоо: TomYo EdTech, Үүсгэн байгуулагч, Монгол

2018-Одоо: ЛэндМН, ТУЗ-ийн гишүүн, Монгол

2017-Одоо: АНД Глобал, Үйл ажиллагаа хариуцсан захирал, Сингапур

2016-2017: Dell EMC, Бүтээгдэхүүн хариуцсан менежер, АНУ

2015-2016: Вашингтоны Их сургууль, Профессорын туслах, АНУ

2015: Microsoft, MBA Consultant, АНУ

2015: Amazon, Бүтээгдэхүүн хариуцсан менежер, АНУ

2012-2015: BizNetwork.mn, Үүсгэн байгуулагч, Монгол

2007-2012: Синглтон ХХК, Үүсгэн байгуулагч, Монгол

2006-2007: ISC Mongolia, Бизнесийн аналист, Монгол'Израйл

2004-2006: YAZ Information Systems, Програм хөгжүүлэгч, Монгол

Харин боловсролын хувьд 2004 онд Турк улсад программ хангамжийн чиглэлээр бакалаврын зэргээ хамгаалсан. Харин 2014 онд бизнес, санхүүгийн чиглэлээр дэлхийд шилдэгт тооцогддог Вашингтоны Их Сургуульд тэнцэж, магистрийн зэргээ бизнесийн удирдлага буюу MBA чиглэлээр хамгаалж байсан.


Хэрэглэгчийн сэтгэгдэл

0.0 үнэлгээтэй
Нийт 0 сэтгэгдэл

Сэтгэгдэл үлдээх

Бусад үйлчлүүлэгчидтэй санал бодлоо хуваалцаарай
Та сэтгэгдэл бичихийн тулд нэвтэрсэн байх ёстой. Нэвтрэх

Хэрэглэгчийн сэтгэгдэл байхгүй