Энэ номд 21 төрлийн нарийн ногооны ач тус, аминдэмийн талаар тайлбарлаж, хэрхэн хамгийн сайныг нь шилж сонгон зөв хадгалж, хэрэглэх тухай бичжээ. Махаа шинжиж сонгож авдаг шигээ нарийн ногоог ч бас зөв сонгож өдөр тутамдаа идэж хэрэглэж сурцгаая.

Олон хүн эрүүл мэндэд муу эсвэл хортой гэж итгэснийхээ улмаас зарим хүнсийг огт хэрэглэхгүй эсвэл болгоомжлон иддэг. Зохиогч маань үүний талаар болон биеэс хорт бодисыг гадагшлуулах, хавдар үүсгэгчийг устгах, ходоодны шархлаанаас хэрхэн сэргийлэх талаар дагаж хэрэгжүүлэхэд хялбар эрүүл мэндийн зөвлөгөө нийтлэлийг бас номдоо оруулжээ.

Түүнчлэн суурин амьдралын хэв маягт зохицуулан монголчуудад тусгайлан зохиосон хялбархан хэр нь амттай, эрүүл хоолны жоруудыг туршиж үзэхийг зөвлөе. Хийх арга төдийгүй анхаарах зүйлийг нь хүртэл нэг бүрчлэн зурагжуулсан учраас танд амар санагдах нь дамжиггүй.