Монгол

Эрс тэс уур амьсгалтай Монгол оронд ургадаг мөөгний шимт болон эмт чанар нэн их тул хүнсний төдийгүй эмийн ач холбогдолтой. Харамсалтай нь бид байгалиасаа холдон суурин амьдрах болсноор хортой, хоргүй мөөгийг ялган таних, хэрэглэх явдал алсран одож хоолны цэсэнд ховорхон үзэгдэх болжээ.Монсудар хэвлэлийн газраас манай улсад түгээмэл ургадаг мөөгийг хэрхэн таних, хэрэглэх аргыг тайлбарласан “Мөөг” зурагт лавлахыг эрхлэн гаргаж уншигч танаа өргөн барьж байна. Номд хүнсний-26, хүнсэнд хэрэглэдэггүй-8, хортой-5, эмийн-6 болон зах зээлд их борлуулалттай таримал-5 зүйл нийт 50 мөөгний мэдээллийг багтаасан.· Мөөгний бүрэлдэхүүн хэсгүүдийг тод харуулсан гэрэл зургуудтай.· Таних ерөнхий шинж буюу малгай, шилбэ, махлаг эд, салбангийн хэлбэр хэмжээ, өнгө, үнэр амт, зүсэхэд өнгө нь хэрхэн хувирах гэхчлэн мэргэжлийн мөөг судлаачийн шинжлэх ухаанч тайлбартай.· Шилмүүст ой, модны захад эсвэл малын бэлчээрт ганц нэгээрээ, бөөнөөрөө эсвэл хүрээлж зэргээр ургах орчныг нарийвчлан оруулсан.· Мөөг ургах хугацааг сарын эхэн, дунд, сүүлд хувааж харуулсан цаглавартай.· Мөөгийг хэзээ, хэрхэн зөв түүж, хадгалах төдийгүй ойд зүг чигээ баримжаалах тухай зөвлөмжтэй.· Мөөгийг хатаах, нөөшлөх, давслах, хөлдөөх зэргээр боловсруулах олон аргын заавар зөвлөгөөтэй.