Хүүхдэд зориулсан "Дэлхийн атлас" номын зохиогчдын өөр нэгэн гайхалтай бүтээл “Газар доор, Усан доор” номыг танилцуулж байна. Энэхүү бүтээлийн гайхамшигтай дүрслэл, баялаг агуулга, сонирхол татам баримтууд нь хэн бүхнийг газрын гадаргын өнгөн хөрснөөс дэлхийн гүний нууцлаг давхарга хүртэл, далай тэнгисийн хүчит давлагаанаас гүн гүнзгий ёроол хүртэлх ертөнцтэй танилцах мартагдашгүй аялалд хөтлөх болно. Газар, усан доорх гайхамшгийг дэлгэн харуулсан уг бүтээлд далайн амьтад, төрөл бүрийн загас, өнгөлөг, гоёмсог шүрэн хад, нууцлаг харанхуй агуй, нүх ухан амьдрагсад, уурхайн гүнзгий цооног болон тэнд ашигладаг техник технологийн талаарх олон сонирхолтой мэдээлэл багтжээ. Дэлхийн гоо үзэсгэлэн болоод гүн гүнзгий нарийн төвөгтэй бүхнийг сонирхдог бяцхан судлаачид, эцэг эхчүүд, сурган хүмүүжүүлэгчид гээд хэн бүхэнд энэхүү ном зориулагджээ.