Nexus: Чулуун зэвсгийн үеэс хиймэл оюун ухааны үе хүртэлх мэдээллийн сүлжээний товч түүх
Nexus: Чулуун зэвсгийн үеэс хиймэл оюун ухааны үе хүртэлх мэдээллийн сүлжээний товч түүх
Сүүлийн 100,000 жилд сапиенсууд бид асар их хүчийг төвлөрүүлжээ. Гэвч хийж бүтээсэн бүхий л ололт, нээлт, байлдан дагууллаа үл харгалзан бид одоо оршихуйн хямралд ороод буй. Дэлхий экологийн сүйрлийн ирмэгт тулжээ. Олон улсын болон улс төрийн хурцадмал байдал нэмэгдсээр. Биднийг устгах аюул заналхийлж буй харь хөндий мэдээллийн сүлжээ буюу хиймэл оюуны эрин өөд бид бодлогогүй урагшилсаар. Хүрсэн бүхнийхээ эцэст бид яагаад өөрсдийгөө сүйтгэж байна вэ?
Мэдээллийн сүлжээ биднийг хэрхэн энд авчирсныг авч үзэхийн тулд Nexus хүн төрөлхтний түүхийг урт линзээр харсан билээ. Чулуун зэвсгийн үеэс эхлэн Библийг ариун ном болгох үйл, хэвлэлийн нээлт, олон нийтийн мэдээллийн хэрэгслийн хөгжил, популизмын саяхны сэргэлтээр дамжуулан Юваль Ной Харари мэдээлэл ба үнэн, хүнд суртал ба домог зүй, мэргэн ухаан ба эрх мэдэл хоорондын нарийн төвөгтэй хамаарлыг болгоон тунгаахыг биднээс хүсжээ. Тэрээр Ромын эзэнт гүрэн, Католик сүм, Зөвлөлт Холбоот улс зэрэг тогтолцоо сайн болон саар зорилгууддаа хүрэхийн төлөө мэдээллийг хэрхэн ашиглаж ирснийг судалсан байна. Мөн хүний бус оюун ухаан оршин тогтнолд маань заналхийлж байгаа тул бидэнд тулгараад буй хойшлуулшгүй сонголтуудыг тодорхойлжээ.
Nexus эдгээр туйлын дундах итгэл найдвар төрүүлсэн хоёр дахь төлөвлөгөөг олж, ингэснээр хүмүүс бидний хамтын мөн чанарыг ахин нээгээд буй.
МУСТАФА СУЛЕЙМАН
Харари түүхийн хамгийн нарийн ширийнийг, хамгийн агуу мега чиг хандлагуудтай цуг нэг үзэлд нэгтгэх ахин давтагдашгүй чадвартай. Энэхүү нэн чухал ном хиймэл оюуны үр дагаврыг цөмөөр эргэцүүлэх эгзэгтэй цаг үед хэвлэгдэж байна.
СТЕФЕН ФРАЙ
Онцгой, эргэцүүлэл төрүүлэм, тун сайн үндэслэлтэй. Харари хурдтай айсуй ирээдүйн тухай сэтгэл хөдөлгөм мөнхүү хирдхийлгэм дүр зургийг бидэнд өгчээ. Хүн бүрийн ялангуяа улс төр, корпорац, соёлын удирдагчдын нэн түрүүнд унших хэрэгтэй ном гэвэл Nexus юм
РОРИ СТЮАРТ
Харари бол зориг зүрхтэй, шинийг эрэлхийлэгч, эрдэм мэдлэгтэй, гайхалтай, манай үеийн хамгийн сод ухаантнуудын нэг билээ. Түүний шинэхэн ном бичиг үсэг тайлагдахаас хиймэл оюуныг хүртэлх бүхнийг ахин дүрсэлж, бусад бүх номынх нь нэгэн адил ертөнцийн тухай үзэл бодлыг үндсээр нь өөрчлөхүйц бүтээл болжээ.