Шинэ гэрээ: Ариун Библи
Зохиолчийн бусад номууд
Ихэвчлэн хамт авдаг
Санал болгох
Танилцуулга
Библи бол хүмүүн төрөлхтнийг бүтээгч, хүмүүний хүндэтгэн хайрлаж, бишрэн шүтэх ёстой
цорын ганц, амьд Шүтээний үг болой. Тэрбээр биднийг Бүтээгч буюу бий болгогч маань учраас л хүмүүн бидний шүтэн дээдлэх ёстой нэгэн буюу Шүтээн минь юм. Бүхий л зүйл түүгээр, түүний хүчээр бий болгогдсон. Үнэндээ хүмүүн бид бусад бүх зүйлээс онцгой буюу оюун ухаан, сэтгэл зүрх, ухамсартай нь яг л Библид хэлэгдсэн дагуу өөрсдийн Бүтээгчтэйгээ адил дүр төрхтэй бүтээгдсэнд л байгаа хэрэг юм. Тийнхүү хүмүүн бид газар дэлхий дээр амьдарч байгаа нь бид Бүтээгчтэйгээ хувьчилсан дотно харилцаатай байх зорилготой. Гэвч хүмүүний гэмээс болоод бид энэхүү дотно байдлаа алдсан бөгөөд Бүтээгчээ буюу цор ганц Шүтээнийг үл хүндлэх болсон. Тиймээс энэхүү дотно харилцааг эргүүлэн сэргээхийн тулд Шүтээн Эзэний илгээсэн Аврагч Христ энэ дэлхий дээр хүмүүн бидэнтэй адил нэгэн болж ирсэн үнэнийг Библид өгүүлдэг.
Библи гэдэг нь Грек хэлний Библиос буюу ном гэдэг үгнээс гаралтай нэр юм. Энэ нь ердийн нэг ном биш бөгөөд хүн хэрхэн Есүс Христээр дамжин аврагдаж, мөнхийн амьдралтай болж
болохыг зааж зааварласан, бидний цорын ганц амьд Шүтээн Бүтээгч Эзэний үгс юм. Үүн доторх үг, өгүүлбэр бүр нь цаанаа гүн утга санааг илэрхийлдэг бөгөөд бидний Бүтээгч буюу Шүтээн өөрөө хэн болохыг бүрэн дүүрэн таниулан хэлж өгдөг.
Библи нь нийт 66 номоос бүрддэг бөгөөд Хуучин Гэрээ нь 39, Шинэ Гэрээ нь 27 номтой. Гэдхээ
эдгээр нь нэг агуулга, нэг зорилго бүхий, урьд өмнө нь хэзээ ч яригдаж байгаагүй агуу түүхийг
өгүүлдэг бөгөөд дэлхий дээр хамгийн анх бас хамгийн ихээр хэвлэгдсэн ном юм. Бүтээгч эзэн
маань Библиэр дамжуулан бидэнд үгээ хэлдэг. Тэрбээр өөрийнхөө үгийг бидэнд хүргэж
үлдээхийн тулд 3 тивийн 40 гаруй хүнээр, 1500 орчим жилийн туршид 3 хэл дээр бичүүлжээ.
Библийн хуучин Гэрээ нь Еврей болон Арамай хэл дээр харин Шинэ Гэрээ нь Грек хэл дээр
бичигдсэн байдаг.
Орчуулгын эх үүсвэр маань хүлээн зөвшөөрөгдсөн хувилбар хэмээн тооцогддог Жеймс Хааны
Хувилбар (King James Version - KJV) Библи юм. Дэлхий дахинд энэ Библийг Англи хэл дээр
цэврээрээ хадгалагдсан Шүтээний үг мөн гэдгийг хүлээн зөвшөөрдөг. Библид гарч байгаа
хүмүүс, газар нутгийн нэрс, өөр бусад оноосон нэрсийг Еврей, Арамей болон Грек хэлэнд
хэлэгддэг дуудлагатай нь шууд дүйцүүлэн Монгол хэлнээ буулгасан.
Үзүүлэлт
- ISBN-13 : 9789919392766
- Худалдаанд гарсан огноо : 2024-04-12
- Формат : Аудио ном
- Бүтээлийн хэл : Монгол
- Файлын хэмжээ : 1490 MB
ISBN-13 | 9789919392766 |
---|---|
Худалдаанд гарсан огноо | 2024-04-12 |
Формат | Аудио ном |
Бүтээлийн хэл | Монгол |
Файлын хэмжээ | 1490 MB |