МУИС-ийн профессор Ширчингийн Содномын Улс төрийн онол практикийн асуудлууд хэмээх бүтээлд Монгол дахь ардчилах үйл явц ба сонгууль, сонгогчдын үйл байдлын өөрчлөлт, хүчин зүйл ба хандлага, посткоммунист шилжилт, үзэл баримтлал ба үйл явц, улс төрийн үзэл санааны хөгжлийн тойм гэсэн асуудлуудын талаарх судалгааны бүтээл, өгүүллийг багтаасан бөгөөд их, дээд сургуулийн багш, оюутан эх түүхээ сонирхон судлагчдад улс төрийн түүхийн талаар өргөн мэдлэг олж авахад чухал ач холбогдолтой бүтээл юм. Тус бүтээл нь МУИС-ийн Монгол судлалын хүрээлэнгээс эрхлэн гаргаж буй МУИС-ийн профессорын эрдмийн өв цувралын ээлжит бүтээл болно.