Тайваний “Хааны ордон музей"-д хадгалагдаж буй “ХУУЧИН МАНЖ ДАНС (манжаар: ejehe dangse, монголоор: ойллого данс, хятадаар:舊滿洲檔/Jiù mănzhōu dàng/)" хэмээх эл сурвалж нь (Хожуу) Алтан улсын түүхэнд холбогдох 1607-1636 оны баримт бичгүүдийн эмхэтгэл бөгөөд Манж нарын тулгар төрөө байгуулж, Монгол, Хятад, Солонгостой харилцсан түүхийг нарийвчлан судлах чухаг эх хэрэглэгдэхүүн юм. Ялангуяа Монголын түүхийн судалгаанд нэн чухал, сонирхолтой баримт тус дансанд арвин буй. Түүнчлэн сонгодог манж бичгийн хэлний өмнөх үеийн хуучин манж бичиг, хэл найруулгаар уламжилж, үсэг бичгийн түүх, манж хэлний авиазүйн онцлог, албан бичгийн найруулга, үг хэллэг, нэр томьёо журамшин тогтсон байдал зэргийг тусгасан хэл, бичгийн үнэт дурсгал билээ.

Энэхүү бүтээлийг Г. Одбаяр, Ч. Батзаяа, Э. Долзодмаа, Ү. Доржоо, Т. Отгонтуул, Ё. Мөнхбат, Э. Жаргалмаа, Э. Эрдэнэзуу, Б. Энхсувд, Х. Адъяасүрэн нар манж хэлнээс орчуулж редактораар М. Баярсайхан, Т. Отгонтуул нар ажиллан, Д. Заяабаатар эрхлэн хэвлүүлсэн байна.