Эцэг эхчүүд бүгд л үр хүүхдээ ухаантай, боловсролтой, мэдлэгтэй хүн болгохыг зорьдог. Гэхдээ хүүхэд бүрийн ой тогтоолт, анхаарал төвлөрөлт өөр байдаг тул бага наснаас нь ой тогтоолтыг хөгжүүлэх дасгал хийлгэж байх хэрэгтэй. Хүүхдийн тархинд маш нарийн сэтгэх ажиллагаа явагдаж байдаг агаад хөхүүл ба цэцэрлэгийн насны хүүхдийн ой тогтоолт нь өөр байдаг. Зургаа ба түүнээс дээш насандаа хүүхдийн тогтоох чадвар нь эрс нэмэгддэг байна. Яагаад гэвэл олон шинэ үг мэдэж, хүрд цээжлэх зэрэг нь ой тогтоолтыг хөгжүүлдэг байна. Ой тогтоолт яг булчин шиг зөв дасгал хийгээд улам сайжирч бэхжинэ. Тиймээс энэхүү цуврал нь бага насны хүүхдийн математик сэтгэлгээг хөгжүүлэхийн тулд нас насны онцлогт тохирсон дасгал даалгаваруудыг багтааснаараа онцлог юм. Энэ номтой ажилласнаар таны хүүхэд баганан бичлэгээр нэмж хасах хийгээд үржүүлэх, хуваах үйлдэл хийх, олон зүйлсийг харьцуулан ажиглаж, зөв дараалалд оруулах, тэгш хэм, бүх тал, орон зайн хувиралт зэргийг ойлгох, тоо, дүрсний зүй тогтлыг олох зэрэг чадамжийг эзэмших болно.