Москвагийн зоологийн институтийн профессор, нэрт эрдэмтэн Владимир Ипатьевич Персиков амьтдын үр хөврөлд улаан туяа гайхалтай нөлөөлдгийг санамсаргүйгээр олж мэднэ Персиковын нээсэн гэрлийн туяаны нөлөөгөөр эгэл биетнүүд хурдан үржиж, ердийнхөөсөө илүү том, илүү догшин ширүүн зантай болдог ажээ. 

    Тэр үед улс оронд тахианы тахал дэдсэн тул үгүйрч хоосорсон "Улаан туяа" сангийн аж ахуйн дарга Александр Семенович Рокк Персиковын нээлтийг ашиглахаар шийднэ. 

    Профессор ч бас тухайн үед шинжлэх ухааны судалгаандаа ашиглахаар амьтдын өндөг захиалсан байж таарчээ. Гэтэл тэдний захиалсан өндөгнүүд хоорондоо солигдож очсоноор энэ бүх гайт хэрэг эхэлнэ.